البطاقه الشخصيه للعضو

حلوة قوى اللعبة دى يا مان انا اول واحد هلعبها ااااااااه
اسمى عبدالله حسن احمد
عمرى لو بيتقاس بالسعادة يبقى ممكن يكون 4 ايام يعنى شوية وهاخد الرضعة اه متضحكوش على العموم انا 21 سنة وشوية شهور
بلدى لو لم اكن مصريا لوددت انا اكون ايطاليا طبعا مصر ام الدنيا
بالنسبة للعمل فالعمل عمل ربنا وربنا يوفقنا جميعا انا طالب فى كلية الاداب قسم اللغة الانجليزية الفرقة التالتة(بنين) اه معلشى اصل البنات هناك كتيرة قوى
اكلتى المفضلة بقى يعنى مثلا ليس على سبيل الحصر (ياعينى على صينية بطاطس بالفراخ جنبها بقى محشى ورق عنب كفاية بقى علشان انا بدأت اجوع كدة )
لونى المفضل الحقيقة هما لونين بحب اخلط بينهم دايما وهما الازرق والاسود الازرق بيفكرنى بالسما فوقنا وانا وحبيبتى قاعدين مع بعض فى مكان جميل والاسود بيفكرنى باى وقت خلاف ذلك (معلشى بقى شوية نفساويات )
بالنسبة لمادتى المفضلة فهى الشعر وكمان الجرامر
قدوتى فى الحياة طبعا بعد افضل الخلق اجمعين( سيدنا محمد عليه افضل الصلاة والسلام) هو الدكتور احمد صلاح ودى حرية شخصية ااااااااه مش عايز اعتراضات
طبعا السؤال بتاع اقرب انسان اليك يعتبر سؤال بايخ جدا لانه اكيد هيزعل ناس كتيرة جدا وعلشان انا بحبكوا كلكوا جدا فهديكوا هنت(يعنى لمحة بالعنجليزى) عن اقرب انسان الى هو الحقيقة واحد من اصدقائى وهو عارف نفسه فمش مهم اهم حاجة بتهيالى انه عارف وطبعا انا مقولتش اللى بحبها ليه علشان هى مش قريبة منى لا لا هى ساكنة جوايا بثبتكم صح ما علينا
احلى يوم فى الاسبوع بحب يوم الخميس لانه بيكون نهاية مؤقتة للشغل والتعب وكدة
ارجو مااكونش طولت وبوخت يلا سلاااااااااااااااااااااااام